Consumer

Waħda mir-responsabilitajiet tal-Awtorità ta' Malta dwar il-Komunikazzjoni hija li tħares l-interessi tal-konsumaturi li jużaw is-servizzi tat-telefon, tal-mowbajl, tal-internet, tat-televiżjoni, tal-posta u tal-kummerċ elettroniku.  Sabiex tagħmel dan, l-Awtorità toffri  assistenza lil kull min ikollu lment u/jew mistoqsijiet rigward wieħed minn dawn is-servizzi.  Minbarra dan, l-MCA timmonitorja dawn s-setturi u jekk tidentifika prattiċi li huma ta’ detriment għall-konsumatur, tieħu kull azzjoni neċessarja. L-MCA temmen fl-importanza li l-konsumaturi jkunu infurmati dwar id-drittijiet u l-obbligi tagħhom sabiex ikunu jistgħu jieħdu deċiżjonijiet tajbin u għaldaqstant l-MCA tipparteċipa ta’ spiss f’programmi tat-televiżjoni u tar-radju sabiex tiddiskuti materji li huma ta’ interess għall-konsumaturi. L-Awtorità hija preżenti wkoll fuq diversi pjattaformi tal-midja soċjali u midja oħra fejn tippubblika b'mod regolari pariri u informazzjoni dwar il-ħarsien tal-konsumatur.

L-għarfien iwassal għal għażliet għaqlin u għażliet għaqlin jagħmlu konsumaturi kuntenti. Kun af d-drittijiet tiegħek kif ukoll l-obbligi tiegħek bħala konsumatur.